Skírdagur

 

Jesús Í Betaníu

Þegar Jesús hafði lokið öllum þessum orðum, sagði hann við lærisveina sína: "Þér vitið, að eftir tvo daga eru páskar. Þá verður Mannssonurinn framseldur til krossfestingar." Æðstu prestarnir og öldungar lýðsins söfnuðust nú saman í höll æðsta prestsins, er Kaífas hét, og réðu með sér að handsama Jesú með svikum og taka hann af lífi. En þeir sögðu: "Ekki á hátíðinni, annars verður uppþot með lýðnum." En Jesús var í Betaníu, í húsi Símonar líkþráa. Kom þá til hans kona og hafði alabastursbuðk með dýrum smyrslum og hellti yfir höfuð honum, þar sem hann sat að borði. Við þessa sjón urðu lærisveinarnir gramir og sögðu: "Til hvers er þessi sóun? Þetta hefði mátt selja dýru verði og gefa fátækum." Jesús varð þess vís og sagði við þá: "Hvað eruð þér að angra konuna? Gott verk gjörði hún mér. Fátæka hafið þér jafnan hjá yður, en mig hafið þér ekki ávallt. Þegar hún hellti þessum smyrslum yfir líkama minn, var hún að búa mig til greftrunar. Sannlega segi ég yður: Hvar sem fagnaðarerindi þetta verður flutt, um heim allan, mun þess og getið verða, sem hún gjörði, til minningar um hana."

                      

Þá fór einn þeirra tólf, Júdas Ískaríot að nafni, til æðstu prestanna og sagði: "Hvað viljið þér gefa mér fyrir að framselja yður Jesú?" En þeir greiddu honum þrjátíu silfurpeninga. Upp frá þessu leitaði hann færis að framselja hann.

Loftstofan

1992

Síðasta kvöldmáltíðin:

„Á fyrsta degi ósýrðu brauðanna komu lærisveinarnir til Jesú og sögðu: ,,Hvar vilt þú, að vér búum þér páskamáltíðina?" Hann mælti: ,,Farið til ákveðins manns í borginni, og segið við hann: ,Meistarinn segir: Minn tími er í nánd, hjá þér vil ég halda páska með lærisveinum mínum. „Lærisveinarnir gjörðu sem Jesús bauð þeim og bjuggu til páskamáltíðar. Um kvöldið sat hann til borðs með þeim tólf. Og er þeir mötuðust, sagði hann: ,,Sannlega segi ég yður: Einn af yður mun svíkja mig." Þeir urðu mjög hryggir og sögðu við hann, einn af öðrum: ,,Ekki er það ég, herra?" Hann svaraði þeim: ,,Sá sem dýfði hendi í fatið með mér, mun svíkja mig. Mannssonurinn fer að sönnu héðan, svo sem um hann er ritað, en vei þeim manni, sem því veldur, að Mannssonurinn verður framseldur. Betra væri þeim manni að hafa aldrei fæðst." En Júdas, sem sveik hann, sagði: ,,Rabbí, ekki er það ég?" Jesús svaraði: ,,Þú sagðir það."

     

Heilög kvöldmáltíð:

Þá er þeir mötuðust, tók Jesús brauð, þakkaði Guði, braut það og gaf lærisveinunum og sagði: ,,Takið og etið, þetta er líkami minn." Og hann tók kaleik, gjörði þakkir, gaf þeim og sagði: ,,Drekkið allir hér af. Þetta er blóð mitt, blóð sáttmálans, úthellt fyrir marga til fyrirgefningar synda. Ég segi yður: Héðan í frá mun ég eigi drekka af þessum vínviðar ávexti til þess dags, er ég drekk hann nýjan með yður í ríki föður míns." Þegar þeir höfðu sungið lofsönginn, fóru þeir til Olíufjallsins.

Afneitun sögð fyrir:

Þá segir Jesús við þá: ,,Á þessari nóttu munuð þér allir hneykslast á mér, því að ritað er: ,Ég mun slá hirðinn, og sauðir hjarðarinnar munu tvístrast.` En eftir að ég er upp risinn, mun ég fara á undan yður til Galíleu." Þá segir Pétur: ,,Þótt allir hneykslist á þér, skal ég aldrei hneykslast." Jesús sagði við hann: ,,Sannlega segi ég þér: Á þessari nóttu, áður en hani galar, muntu þrisvar afneita mér." Pétur svarar: ,,Þótt ég ætti að deyja með þér, þá mun ég aldrei afneita þér." Eins töluðu allir lærisveinarnir.

    

Getsemane:

Þá kemur Jesús með þeim til staðar, er heitir Getsemane, og hann segir við lærisveinana: ,,Setjist hér, meðan ég fer og biðst fyrir þarna." Hann tók með sér þá Pétur og báða sonu Sebedeusar. Og nú setti að honum hryggð og angist. Hann segir við þá: ,,Sál mín er hrygg allt til dauða. Bíðið hér og vakið með mér."Þá gekk hann lítið eitt áfram, féll fram á ásjónu sína, baðst fyrir og sagði: ,,Faðir minn, ef verða má, þá fari þessi kaleikur fram hjá mér. Þó ekki sem ég vil, heldur sem þú vilt."

                          

 Hann kemur aftur til lærisveinanna og finnur þá sofandi. Þá sagði hann við Pétur: ,,Þér gátuð þá ekki vakað með mér eina stund? Vakið og biðjið, að þér fallið ekki í freistni. Andinn er reiðubúinn, en holdið veikt." Aftur vék hann brott annað sinn og bað: ,,Faðir minn, ef eigi verður hjá því komist, að ég drekki þennan kaleik, þá verði þinn vilji." Þegar hann kom aftur, fann hann þá enn sofandi, því drungi var á augum þeirra. Þá fór hann enn frá þeim og baðst fyrir þriðja „ sinn með sömu orðum og fyrr. Og hann kom til lærisveinanna og sagði við þá: ,,Sofið þér enn og hvílist? Sjá, stundin er komin og Mannssonurinn er framseldur í hendur syndugra manna. Standið upp, förum! Í nánd er sá, er mig svíkur."

Tekin höndum:

Meðan hann var enn að tala, kom Júdas, einn þeirra tólf, og með honum mikill flokkur frá æðstu prestunum og öldungum lýðsins, og höfðu þeir sverð og barefli. Svikarinn hafði sagt þeim þetta til marks: ,,Sá sem ég kyssi, hann er það. Takið hann höndum." Hann gekk beint að Jesú og sagði: ,,Heill, rabbí!`` og kyssti hann. Jesús sagði við hann: ,,Vinur, hví ertu hér"

Þá komu hinir, lögðu hendur á Jesú og tóku hann. Einn þeirra, sem með Jesú voru, greip til sverðs og brá því, hjó til þjóns æðsta prestsins og sneið af honum eyrað. Jesús sagði við hann: ,,Slíðra sverð þitt! Allir, sem sverði bregða, munu fyrir sverði falla. Hyggur þú, að ég geti ekki beðið föður minn að senda mér nú meira en tólf sveitir engla? Hvernig ættu þá ritningarnar að rætast, sem segja, að þetta eigi svo að verða?" Á þeirri stundu sagði Jesús við flokkinn: ,,Eruð þér að fara að mér með sverðum og bareflum eins og gegn ræningja til að handtaka mig? Daglega sat ég í helgidóminum og kenndi, og þér tókuð mig ekki höndum. En allt verður þetta til þess, að ritningar spámannanna rætist." Þá yfirgáfu hann lærisveinarnir allir og flýðu.

Fyrir ráðinu:

Þeir sem tóku Jesú höndum, færðu hann til Kaífasar, æðsta prests, en þar voru saman komnir fræðimennirnir og öldungarnir. Pétur fylgdi honum álengdar, allt að garði æðsta prestsins. Þar gekk hann inn og settist hjá þjónunum til að sjá, hver yrði endir á. Æðstu prestarnir og allt ráðið leituðu ljúgvitnis gegn Jesú til að geta líflátið hann, en fundu ekkert, þótt margir ljúgvottar kæmu. Loks komu tveir og sögðu: ,,Þessi maður sagði: „Ég get brotið niður musteri Guðs og reist það aftur á þrem dögum." Þá stóð æðsti presturinn upp og sagði: ,,Svarar þú því engu, sem þessir vitna gegn þér?" En Jesús þagði. Þá sagði æðsti presturinn við hann: ,,Ég særi þig við lifandi Guð, segðu oss: Ertu Kristur, sonur Guðs?" Jesús svarar honum: ,,Þú sagðir það. En ég segi yður: Upp frá þessu munuð þér sjá Mannssoninn sitja til hægri handar máttarins og koma á skýjum himins." Þá reif æðsti presturinn klæði sín og sagði: ,,Hann guðlastar, hvað þurfum vér nú framar votta við? Þér heyrðuð guðlastið. Hvað líst yður?"  Þeir svöruðu: ,,Hann er dauðasekur." Og þeir hræktu í andlit honum og slógu hann með hnefunum, en aðrir börðu hann með stöfum og sögðu: ,,Spáðu nú, Kristur, hver var að slá þig?"

Pétur afneitar:

En Pétur sat úti í garðinum. Þar kom að honum þerna ein og sagði: ,,Þú varst líka með Jesú frá Galíleu." Því neitaði hann svo allir heyrðu og sagði: ,,Ekki veit ég, hvað þú ert að fara." Hann gekk út í fordyrið. Þar sá hann önnur þerna og sagði við þá, sem þar voru: ,,Þessi var með Jesú frá Nasaret." En hann neitaði sem áður og sór þess eið, að hann þekkti ekki þann mann. Litlu síðar komu þeir, er þar stóðu, og sögðu við Pétur: ,,Víst ertu líka einn af þeim, enda segir málfæri þitt til þín." En hann sór og sárt við lagði, að hann þekkti ekki manninn. Um leið gól hani. Og Pétur minntist þess, er Jesús hafði mælt: ,,Áður en hani galar, muntu þrisvar afneita mér."  Og hann gekk út og grét beisklega." Matt. 26: 17.- 74

Endilega kíkið á myndband um "Síðasta kvöldmáltíðin og bænastundin í Getsemane garðinum:" http://www.youtube.com/watch?v=2ms9Qugqihg .

Guð blessi ykkur

Kær kveðja/Rósa

 

Sólin blessuð í Jerúsalem

Kæru bloggvinir.

Endilega lesið fréttina sem er tengd við þetta blogg.

Ég setti inn fáein orð úr Biblíunni um sólina og um Ísraels niðja og í lokin er vers úr Jósúabók fyrir ykkur.

 ^„Drottinn sagði við Abram: "Far þú burt úr landi þínu og frá ættfólki þínu og úr húsi föður þíns, til landsins, sem ég mun vísa þér á. Ég mun gjöra þig að mikilli þjóð og blessa þig og gjöra nafn þitt mikið, og blessun skalt þú vera. Ég mun blessa þá, sem þig blessa, en bölva þeim, sem þér formælir, og af þér skulu allar ættkvíslir jarðarinnar blessun hljóta." Þá lagði Abram af stað, eins og Drottinn hafði sagt honum, og Lot fór með honum. En Abram var sjötíu og fimm ára að aldri, er hann fór úr Harran. Abram tók Saraí konu sína og Lot bróðurson sinn og alla fjárhluti, sem þeir höfðu eignast, og þær sálir, er þeir höfðu fengið í Harran. Og þeir lögðu af stað og héldu til Kanaanlands. Þeir komu til Kanaanlands. Og Abram fór um landið, allt þangað er Síkem heitir, allt til Mórelundar. En þá voru Kanaanítar í landinu. Þá birtist Drottinn Abram og sagði við hann: "Niðjum þínum vil ég gefa þetta land." Og hann reisti þar altari Drottni, sem hafði birst honum. Þaðan hélt hann til fjallanna fyrir austan Betel og setti þar tjöld sín, svo að Betel var í vestur, en Aí í austur. Og hann reisti þar Drottni altari og ákallaði nafn Drottins." 1. Mós. 1.-8.

Grátmúrinn 1992

Við fórum einnig að Grátmúrnum -Vesturmúrnum

„Svo segir Drottinn, sem sett hefir sólina til að lýsa um daga, tunglið og stjörnurnar til að lýsa um nætur, sá er æsir hafið, svo að bylgjurnar gnýja - Drottinn allsherjar er nafn hans: Svo sannarlega sem þessi fasta skipan mun aldrei breytast fyrir mér - segir Drottinn - svo sannarlega munu Ísraels niðjar ekki hætta að vera þjóð fyrir mér alla daga. Svo segir Drottinn: Svo sannarlega sem himinninn hið efra verður eigi mældur né undirstöður jarðarinnar hið neðra rannsakaðar, svo sannarlega mun ég ekki hafna öllum Ísraels niðjum sakir alls þess, er þeir hafa gjört - segir Drottinn." Jer. 31: 35.-37.

 

"Eigi skal framar heyrast getið um ofríki í landi þínu, né um tjón og tortíming innan landamerkja þinna. Þú skalt kalla Hjálpræði múra þína og Sigurfrægð hlið þín. Þú skalt ekki framar hafa sólina til að lýsa þér um daga, og tunglið skal ekki skína til að gefa þér birtu, heldur skal Drottinn vera þér eilíft ljós og Guð þinn vera þér geislandi röðull. Þá mun sól þín ekki framar ganga undir og tungl þitt ekki minnka, því að Drottinn mun vera þér eilíft ljós og hörmungardagar þínir skulu þá vera á enda. „ Jes. 60: 18.-20

 

Spádómur:

^„En síðar meir mun ég úthella anda mínum yfir allt hold. Synir yðar og dætur yðar munu spá, gamalmenni yðar mun drauma dreyma, ungmenni yðar munu sjá sjónir. Já, einnig yfir þræla og ambáttir mun ég á þeim dögum úthella anda mínum. Og ég mun láta tákn verða á himni og á jörðu: blóð, eld og reykjarstróka. Sólin mun snúast í myrkur og tunglið í blóð, áður en hinn mikli og ógurlegi dagur Drottins kemur. Og hver sem ákallar nafn Drottins, mun frelsast. Því að á Síonfjalli og í Jerúsalem mun frelsun verða, eins og Drottinn hefir sagt, meðal flóttamannanna, sem Drottinn kallar. Sjá, á þeim dögum og í þann tíð, er ég sný við högum Júda og Jerúsalem, vil ég saman safna öllum þjóðum og færa þær ofan í Jósafatsdal og ganga þar í dóm við þær vegna lýðs míns og arfleifðar minnar Ísraels, af því að þeir hafa dreift henni meðal heiðingjanna og skipt sundur landi mínu. Jóel 3: 1.-7.

Síonshlið/1992

Árið 1948 var Síonshlið svona útleikið eftir árás óvina Gyðinga.

„Hér er að rætast það, sem spámaðurinn Jóel segir: Það mun verða á efstu dögum, segir Guð, að ég mun úthella anda mínum yfir alla menn. Synir yðar og dætur munu spá, ungmenni yðar munu sjá sýnir og gamalmenni yðar mun drauma dreyma.  Jafnvel yfir þræla mína og ambáttir mínar mun ég á þeim dögum úthella anda mínum, og þau munu spá. Og ég mun láta undur verða á himnum uppi og tákn á jörðu niðri, blóð og eld og reykjarmökk. Sólin mun snúast í myrkur og tunglið í blóð, áður dagur Drottins kemur, hinn mikli og dýrlegi. En hver sá, sem ákallar nafn Drottins, mun frelsast." Post. 2: 16.-21

 

Faðir vor á íslensku

1992

 „Hefi ég ekki boðið þér: Ver þú hughraustur og öruggur? Lát eigi hugfallast og óttast eigi, því að Drottinn Guð þinn er með þér í öllu, sem þú tekur þér fyrir hendur." Jós. 1:9.

Rósa og kyssilegi Gyðingurinn hennar.

Myndin er tekin í Tíberías við Galelíuvatn árið 1992

Guð blessi ykkur öll.

Kær kveðja/Rósa

Sólin blessuð í Jerúsalem

Pálmasunnudagur

 

 

Texti úr Biblíunni frá þremur mismunandi stöðum um þegar Jesús reið á ösnufola inní Jerúsalem ásamt fallegum söngtexta:

„Þegar þeir nálguðust Jerúsalem og komu til Betfage við Olíufjallið, sendi Jesús tvo lærisveina

og sagði við þá: "Farið í þorpið hér framundan ykkur, og jafnskjótt munuð þið finna ösnu bundna og fola hjá henni. Leysið þau og færið mér.

Ef einhver hefur orð um, þá svarið: ‚Herrann þarf þeirra við," og mun hann jafnskjótt senda þau."

Þetta varð, svo að rættist það, sem sagt er fyrir munn spámannsins:

                              

Segið dótturinni Síon: Sjá, konungur þinn kemur til þín, hógvær er hann og ríður asna, fola undan áburðargrip.

                    

Lærisveinarnir fóru og gjörðu sem Jesús hafði boðið þeim,

komu með ösnuna og folann og lögðu á þau klæði sín, en hann steig á bak.

Fjöldamargir breiddu klæði sín á veginn, en aðrir hjuggu lim af trjánum og stráðu á veginn.

Og múgur sá, sem á undan fór og eftir fylgdi, hrópaði: "Hósanna syni Davíðs! Blessaður sé sá sem kemur, í nafni Drottins! Hósanna í hæstum hæðum!"

Þegar hann kom inn í Jerúsalem, varð öll borgin í uppnámi, og menn spurðu: "Hver er hann?"

Fólkið svaraði: "Það er spámaðurinn Jesús frá Nasaret í Galíleu." Matt. 21: 1.-11.

^„Sá mikli mannfjöldi, sem kominn var til hátíðarinnar, frétti degi síðar, að Jesús væri að koma til Jerúsalem.

Þeir tóku þá pálmagreinar, fóru út á móti honum og hrópuðu: "Hósanna! Blessaður sé sá, sem kemur, í nafni Drottins, konungur Ísraels!"

Jesús fann ungan asna og settist á bak honum, eins og skrifað er:

Óttast ekki, dóttir Síon. Sjá, konungur þinn kemur, ríðandi á ösnufola.

Lærisveinar hans skildu þetta ekki í fyrstu, en þegar Jesús var dýrlegur orðinn, minntust þeir þess, að þetta var ritað um hann og að þeir höfðu gjört þetta fyrir hann.

Nú vitnaði fólkið, sem með honum var, þegar hann kallaði Lasarus út úr gröfinni og vakti hann frá dauðum.

Vegna þess fór einnig mannfjöldinn á móti honum, því menn höfðu heyrt, að hann hefði gjört þetta tákn.

Því sögðu farísear sín á milli: "Þér sjáið, að þér ráðið ekki við neitt. Allur heimurinn eltir hann." Jóh. 12: 12.-19.

:,: Hósanna, hósanna,

Hósanna‘ í hæstum hæðum :,:

Guð, við lofum þitt nafn,

Fullt af lofgjörðaróð.

Við upphefjum þig, ó, Guð.

Hósanna‘ í hæstum hæðum.

 

:,: Hyllum, hyllum,

Hyllum konung konunga :,:

Guð, við lofum þitt nafn,

Fullt af lofgjörðaróð.

Við upphefjum þig, ó Guð.

Hyllum konung konunga.

„Þá er Jesús hafði þetta mælt, hélt hann á undan áfram upp til Jerúsalem.

Þegar hann nálgaðist Betfage og Betaníu við Olíufjallið, sem svo er nefnt, sendi hann tvo lærisveina sína og mælti:

             

"Farið í þorpið hér fram undan. Þegar þið komið þangað, munuð þið finna fola bundinn, sem enginn hefur enn komið á bak. Leysið hann og komið með hann.

 Ef einhver spyr ykkur: ,Hvers vegna leysið þið hann?` þá svarið svo: ,Herrann þarf hans við`."

 Þeir sem sendir voru, fóru og fundu svo sem hann hafði sagt þeim.

Og er þeir leystu folann, sögðu eigendur hans við þá: "Hvers vegna leysið þið folann?"

Þeir svöruðu: "Herrann þarf hans við,"

og fóru síðan með hann til Jesú. Þeir lögðu klæði sín á folann og settu Jesú á bak.

En þar sem hann fór, breiddu menn klæði sín á veginn.

Þegar hann var að koma þar að, sem farið er ofan af Olíufjallinu, hóf allur flokkur lærisveina hans að lofa Guð fagnandi hárri raustu fyrir öll þau kraftaverk, er þeir höfðu séð,

og segja:

"Blessaður sé sá sem kemur, konungurinn, í nafni Drottins. Friður á himni og dýrð í upphæðum!"

Nokkrir farísear í mannfjöldanum sögðu við hann: "Meistari, hasta þú á lærisveina þína."

Hann svaraði: "Ég segi yður, ef þeir þegja, munu steinarnir hrópa."

Og er hann kom nær og sá borgina, grét hann yfir henni

og sagði: "Ef þú hefðir aðeins vitað á þessum degi, hvað til friðar heyrir! En nú er það hulið sjónum þínum.

Því að þeir dagar munu koma yfir þig, að óvinir þínir munu gjöra virki um þig, setjast um þig og þröngva þér á alla vegu.

Þeir munu leggja þig að velli og börn þín, sem í þér eru, og ekki láta standa stein yfir steini í þér, vegna þess að þú þekktir ekki þinn vitjunartíma."

Þá gekk hann inn í helgidóminn og tók að reka út þá er voru að selja

og mælti við þá:

     

"Ritað er: Hús mitt á að vera bænahús, en þér hafið gjört það að ræningjabæli."

 Daglega var hann að kenna í helgidóminum, en æðstu prestarnir og fræðimennirnir svo og fyrirmenn þjóðarinnar leituðust við að ráða hann af dögum,

en fundu eigi, hvað gjöra skyldi, því að allur lýðurinn vildi ákaft hlýða á hann." Lúkas 19: 28.-40.

Skoðið slóðina: http://www.youtube.com/watch?v=S8JHcsz3Y0M

Guð blessi ykkur öll

Kær kveðja/Rósa

Eldfjallið Redoubt í Alaska lét á sér kræla eftir 20 ára dvala

 

 

 

 

 

 

 

 

 

 

 

 

 

 

 

 

 Kæru bloggvinir
 
Ekki hef ég komið til Alaska. Árið 1988 var ég í Kanada. Ég heimsótti vini í Prinse Rupert og við fórum m.a. með kláf upp á fjall og þar sáum við yfir til Alaska. Landamæri Alaska teygja sig langt niður eftir ströndinni. Virkar eins og smá ræma á landakorti.
Katrín Stefanía bróðurdóttir mín er í Alaska og er hún í 180 km. fjarlægð frá eldfjallinu.
Gaman væri að fá fréttir frá henni.

http://isprinsessan.bloggar.is/

  

Matteusarguðspjall 24

"Jesús gekk út úr helgidóminum og hélt brott. Þá komu lærisveinar hans og vildu sýna honum byggingar helgidómsins.

   Hann sagði við þá: "Þér sjáið allt þetta? Sannlega segi ég yður, hér mun ekki eftir látinn steinn yfir steini, er eigi sé niður brotinn."

   Þá er hann sat á Olíufjallinu, gengu lærisveinarnir til hans og spurðu hann einslega: "Seg þú oss, hvenær verður þetta? Og hvert mun tákn komu þinnar og endaloka veraldar?"

   Jesús svaraði þeim: "Varist að láta nokkurn leiða yður í villu.

   Margir munu koma í mínu nafni og segja: ,Ég er Kristur!` og marga munu þeir leiða í villu.

   Þér munuð spyrja hernað og ófriðartíðindi. Gætið þess, að skelfast ekki. Þetta á að verða, en endirinn er ekki þar með kominn.

   Þjóð mun rísa gegn þjóð og ríki gegn ríki, þá verður hungur og landskjálftar á ýmsum stöðum.

   Allt þetta er upphaf fæðingarhríðanna.

   Þá munu menn framselja yður til pyndinga og taka af lífi, og allar þjóðir munu hata yður vegna nafns míns.

    Margir munu þá falla frá og framselja hver annan og hata.

    Fram munu koma margir falsspámenn og leiða marga í villu.

    Og vegna þess að lögleysi magnast, mun kærleikur flestra kólna.

    En sá sem staðfastur er allt til enda, mun hólpinn verða.

    Og þetta fagnaðarerindi um ríkið verður prédikað um alla heimsbyggðina öllum þjóðum til vitnisburðar. Og þá mun endirinn koma.

    Þegar þér sjáið viðurstyggð eyðingarinnar, sem Daníel spámaður talar um, standa á helgum stað," _ lesandinn athugi það _

    "þá flýi þeir, sem í Júdeu eru, til fjalla.

    Sá sem er uppi á þaki, fari ekki ofan að sækja neitt í hús sitt.

    Og sá sem er á akri, skal ekki hverfa aftur að taka yfirhöfn sína.

    Vei þeim sem þungaðar eru eða börn hafa á brjósti á þeim dögum.

    Biðjið, að flótti yðar verði ekki um vetur eða á hvíldardegi.

    Þá verður sú mikla þrenging, sem engin hefur þvílík verið frá upphafi heims allt til þessa og mun aldrei verða.

    Ef dagar þessir hefðu ekki verið styttir, kæmist enginn maður af. En vegna hinna útvöldu munu þeir dagar styttir verða.

    Ef einhver segir þá við yður: ,Hér er Kristur` eða ,þar`, þá trúið því ekki.

    Því að fram munu koma falskristar og falsspámenn, og þeir munu gjöra stór tákn og undur til að leiða afvega jafnvel hina útvöldu, ef orðið gæti.

    Sjá, ég hef sagt yður það fyrir.

    Ef þeir segja við yður: ,Sjá, hann er í óbyggðum,` þá farið ekki þangað. Ef þeir segja: ,Sjá, hann er í leynum,` þá trúið því ekki.

    Eins og elding sem leiftrar frá austri til vesturs, svo mun verða koma Mannssonarins.

    Þar munu ernirnir safnast, sem hræið er.

    En þegar eftir þrenging þessara daga mun sólin sortna og tunglið hætta að skína. Stjörnurnar munu hrapa af himni og kraftar himnanna bifast.

    Þá mun tákn Mannssonarins birtast á himni, og allar kynkvíslir jarðarinnar hefja kveinstafi. Og menn munu sjá Mannssoninn koma á skýjum himins með mætti og mikilli dýrð.

    Hann mun senda út engla sína með hvellum lúðri, og þeir munu safna hans útvöldu úr áttunum fjórum, himinskauta milli.

    Nemið líkingu af fíkjutrénu. Þegar greinar þess fara að mýkjast og laufið að springa út, þá vitið þér, að sumar er í nánd.

    Eins skuluð þér vita, þegar þér sjáið allt þetta, að hann er í nánd, fyrir dyrum.

    Sannlega segi ég yður: Þessi kynslóð mun ekki líða undir lok, uns allt þetta er komið fram.

    Himinn og jörð munu líða undir lok, en orð mín munu aldrei undir lok líða.

    En þann dag og stund veit enginn, hvorki englar á himnum né sonurinn, enginn nema faðirinn einn.

    Eins og var á dögum Nóa, svo mun verða við komu Mannssonarins.

    Dagana fyrir flóðið átu menn og drukku, kvæntust og giftust allt til þess dags, er Nói gekk í örkina.

    Og þeir vissu ekki, fyrr en flóðið kom og hreif þá alla burt. Eins verður við komu Mannssonarins.

    Þá verða tveir á akri, annar mun tekinn, hinn eftir skilinn.

    Tvær munu mala á kvörn, önnur verður tekin, hin eftir skilin.

    Vakið því, þér vitið eigi, hvaða dag Drottinn yðar kemur.

    ⁴³Það skiljið þér, að húsráðandi vekti og léti ekki brjótast inn í hús sitt, ef hann vissi á hvaða stundu nætur þjófurinn kæmi.

    Verið þér og viðbúnir, því að Mannssonurinn kemur á þeirri stundu, sem þér ætlið eigi.

    Hver er sá trúi og hyggni þjónn, sem húsbóndinn hefur sett yfir hjú sín að gefa þeim mat á réttum tíma?

    Sæll er sá þjónn, er húsbóndinn finnur breyta svo, er hann kemur.

    Sannlega segi ég yður: Hann mun setja hann yfir allar eigur sínar.

    En ef illur þjónn segir í hjarta sínu: ,Húsbónda mínum dvelst,`

    og hann tekur að berja samþjóna sína og eta og drekka með svöllurum,

    þá mun húsbóndi þess þjóns koma á þeim degi, sem hann væntir ekki, á þeirri stundu, sem hann veit ekki,

    höggva hann og láta hann fá hlut með hræsnurum. Þar verður grátur og gnístran tanna."

 

Nítjánda mars sl. þá heyrðum við fréttir um "Risaskjálfta í suður Kyrrahafi"

Jesús vissi fyrir 2000 þúsund árum að við myndum frétta af jarðskjálftum og eldgosum alls staðar að úr heiminum með þeirri tækni sem nú er.

Við eigum ekkert að óttast en við þurfum að vera viðbúin komu Jesú Krists.

    ^"Vakið því allar stundir og biðjið, svo að þér megið umflýja allt þetta, sem koma á, og standast frammi fyrir Mannssyninum." Lúkas 21:36.

 Guð blessi ykkur öll

Kær kveðja/Rósa

Eldgosið í Alaska sækir á

"Það kostar ekkert að elska"

Bóndi sem þurfti að selja fjóra hvolpa, hafði útbúið skilti og var að ljúka við að negla það á girðingarstaur hjá sér,þegar togað var í samfestinginn hans. 
Þegar hann leit niður, horfðist hann í augu við lítinn strák, sem sagði - 
"Heyrðu, mig langar að kaupa einn hvolpinn þinn"
Jæja sagði bóndinn og strauk sér um ennið - "Þessir hvolpar eru af góðu kyni og kosta talsvert"
Strákurinn hikaði smá stund, en stakk síðan hendinni djúpt í vasann og kom upp með lófafylli af smámynt. Ég er með fimmtíu og níu krónur 
- er það nóg til að ég megi skoða þá ?
"Það ætti að vera í lagi" sagði bóndinn. Að svo mæltu blístraði hann og um leið og hann kallaði - 
" Hingað Dolly ! " kom Dolly hlaupandi út úr hundahúsinu og ...
....fjórir litlir loðnir hnoðrar eltu hana.
Augu stráksins ljómuðu - já bara dönsuðu af gleði 
þar sem hann horfði á þá í gegn um girðinguna.
Þegar hundarnir nálguðust.....
tók strákurinn eftir því að eitthvað hreyfðist inni í hundahúsinu - síðan kom enn einn lítill loðinn hnoðrinn í ljós og staulaðist í átt til hinna. 
Þótt þessi væri áberandi minni, gerði hann samt sitt besta til þess að halda í við þá.
"Mig langar í þennan" sagði strákur, og benti á litla garminn.

Bóndinn kraup við hlið drengsins og sagði. "Væni minn, þú vilt ekki þennan hvolp
Hann mun aldrei geta hlaupið og leikið við þig eins og hinir hvolparnir."
Strákur færði sig frá girðingunni, beygði sig og þegar hann bretti upp aðra buxnaskálmina,komu í ljós stálspelkur, sem studdu sitthvoru megin við fótlegg hans og voru festar við sérsmíðaðan skóinn. 
Sjáðu til, ég er ekki svo mikill hlaupari sjálfur og hann þarf á einhverjum að halda sem skilur hann, sagði stráksi og horfði hann framan í bóndann. 
Með tárin í augunum, beygði bóndinn sig eftir litla hvolpinum, tók hann varlega upp 

og lagði hann af mikilli nærgætni í fang stráksins. 

"Hvað kostar hann ?" spurði strákurinn 
"Ekkert" svaraði bóndinn, 
"Það kostar ekkert að elska" 
Um allan heim er fólk sem þráir skilning .................. 

Kæru bloggvinir.

Vinkona mín sendi mér þennan texta. Hef áður fengið þennan texta í tölvupósti. Í staðinn fyrir að senda bréfið áfram til vina minna þá ákvað ég að setja textann á bloggið. 

Guð veri með ykkur

Kær kveðja/Glimmer Rósa Guðskerling.

Mundu að þú ert mikilvægur

Dag einn bað kennari nemendur sína að skrifa nöfn bekkjarfélaganna á blað.  Þeir áttu að skrifa eitt nafn í hverja línu og hafa auða línu á milli. Síðan bað hún nemendur sína að hugsa um það besta um hvern og einn og skrifa það fyrir neðan nafnið. Þegar nemendur fóru úr tíma skiluðu þau blöðunum til  kennarans sem fór með þetta heim og bjó til lista yfir hvern nemanda og  safnaði saman því sem bekkjarfélagarnir höfðu skrifað.  Síðan fengu nemendurnir þetta í hendurnar daginn eftir. Þegar þeir lásu  þetta urðu þeir hissa á öllu því jákvæða sem bekkjarfélagarnir höfðu  skrifað. Þeir höfðu ekki gert sér grein fyrir að þeir skiptu svona miklu  máli. Kennarinn vissi ekki hve mikið nemendurnir ræddu þetta sín á milli eða við foreldrana en þetta hafði tilætlaðan árangur. Nemendurnir urðu ánægðari með sig og aðra í bekknum, þeim leið betur.

Lífið hélt áfram.

Mörgum árum seinna lést einn nemendanna sem hét Magnús og kennarinn ákvað að vera viðstaddur jarðarförina. Einn vinur hins látna gekk til hennar og  spurði hvort hún hefði verið kennarinn hans og sagði að Magnús hefði talað mikið um hana. Foreldrar hins látna komu einnig til hennar og vildu sýna  henni svolítið. Þau höfðu fundið samanbrotið blað í veski Magnúsar og var það listinn með öllu jákvæðu atriðunum frá bekkjarfélögunum sem kennarinn  hafði fengið honum fyrir mörgum árum. "Þakka þér fyrir að gera þetta, því eins og þú sérð þá skipti þetta hann miklu máli" sagði móðir Magnúsar.

Fyrrum bekkjarfélagar tóku undir það og sögðu að þessi listi hefði fylgt þeim öllum gegnum lífið og skipt þá mjög miklu máli. Þetta var eitt af því sem þeim þótti vænst um. Þegar gamli kennarinn heyrði þetta settist hún niður og grét, bæði syrgði hún Magnús og svo var hún hrærð yfir því að hafa snert nemendur sína með þessu uppátæki.

Flest okkar hegðum við okkur þannig eins og að við höfum gleymt því að lífið endar einn góðan veðurdag. Enginn okkar veit hvenær sá dagur verður. Þess vegna bið ég þig að segja við þá sem þér þykir vænt um hvað þeir séu þér mikilvægir og eigi sérstakan stað í hjarta þér. Gerðu það oft áður en það  verður of seint.

 

 

 

 

Kæru bloggvinir.
Hef oft fengið þetta bréf sent en ákvað að setja það inná bloggið núna.
Ég er svo þakklát fyrir að eiga marga vini, eiga vinir sem eru tryggir og sannir.
Guð blessi ykkur öll
Kær kveðja/Rósa Guðskerling

Frjálslega vaxnar konur eru flottar!

 

Mundu að þú ert flott!

 

Hefurðu velt fyrir þér að....

- ef gínur í búðum væru raunverulegar konur væru þær of grannar til þess að fá blæðingar?

(Hér hefði ég skrifað að taka á móti eða fá Rósu frænku í heimsókn eða að hafa Kommúnistafund í Kjallaranum.)

- af 3 milljörðum kvenna í heiminum eru aðeins u.þ.b. 10 súpermódel?

- Marlyn Monroe notaði stærð 14 (ameríska) og hafði alla karlmenn í vasanum án þess að nokkur kvartaði yfir kílóunum á henni?

- ef Barbie væri alvöru kona væri hún svo vansköpuð að hún yrði að ganga á fjórum fótum?

- ein af hverjum 4 konum á háskólaaldri þjást af einhvers konar átröskun?

- fyrirsætur í glanstímaritum og sjónvarpi eru lagaðar til í tölvu eða fiffaðar með lýsingu og ljósmyndatrikkum?

- rannsóknir hafa sýnt að fimm mínútna lestur glanstímarita veldur þungu skapi, skömm og sektarkennd hjá um 70% kvenna?

- fyrirsætur fyrir 20 árum voru 8% léttari en konur almennt en fyrirsætur í dag eru 23% léttari en konur almennt?

 

 

Svaka Gella

Póstkort frá vinkonu 1984!

Fegurð konunnar er ekki hægt að smækka niður í mælieiningar heldur felst hún í þeirri útgeislun sem kærleikur til sjálfrar sín veitir hverri og einni.

- Fegurð felst í þroska og góðri sjálfsímynd og fer einungis batnandi með árunum.

- Spurningin er ekki um fatastærðir, kílófjölda, hæð eða háralit, heldur er hún spurning um að elska sjálfa sig frá toppi til táar.

- Hjálpumst að við að ýta undir góða sjálfsímynd hver annarrar.   Við erum allar ÆÐI........og ekki gleyma því!!!

Fáein spakmæli:

„Konan er kóróna sköpunarinnar." Herdeb

„Líkami konunnar er það ljóð sem Drottinn skráði í hina stóru bók náttúrunnar." Heinrich Heine

„Konan er fegurri helmingur jarðarinnar." J.J. Rousseau

„Þegar Eva hafði etið eplið af skilningstrénu fór hún að líta í kringum sig eftir fíkjublaði. Þegar kona fer að hugsa snýst fyrsta hugsun hennar um föt." Heinrich Heine

Heilög Ritning:

„Hversu lengi ætlar þú að reika fram og aftur, þú hin fráhverfa dóttir? Því að Drottinn skapar nýtt á jörðu: Kvenmaðurinn verndar karlmanninn." Jeremía 31:22

Að lokun:

Fyrir stuttu var ég á ferðalagi og rakst á texta sem er hér fyrir ofan. Ég hugsaði að kannski ætti ég að birta þennan texta á blogginu og nú er sú hugsun  orðin að veruleika ásamt spakmælum og ritningarversi úr Biblíunni. Sumt í þessum texta finnst mér sorglegt.

Guð veri með ykkur

Kær kveðja/Rósa

Áskorun til Ríkisstjórnar!

Ég krefst þess að þingið setji á laggirnar alvöru rannsókn á hruninu og efnahagsbrotum þeim sem leiddu okkur í þá stöðu sem við erum nú komin í, stýrðri af erlendum rannsóknaraðilum sem hafa reynslu af rannsóknum stórfelldra efnahagsbrota.

Ég krefst þess að stjórnvöld og þing þiggi án undanbragða alla þá aðstoð sem Eva Joly getur veitt okkur sem og aðgang að tengslaneti hennar.

Að lokum krefst ég þess að núverandi stjórnvöld lýsi nú þegar yfir eindregnum vilja til að hrinda slíkri rannsókn af stað og geri bókstaflega allt sem í sínu valdi stendur til að tryggja að þetta verði að veruleika.

---------

 

Eftirfarandi eru netföng ráðherra ríkisstjórnarflokkanna (og vefslóð með öllum netföngum Alþingis):

[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail]

http://www.althingi.is/vefur/addr-s.html?teg_starfs=A

Þessi færsla er tekin af síðu Óskars Arnórssonar

Skora á ykkur að birta þessa færslu á síðunni ykkar og endilega sendið ráðamönnum tölvupóst.

Endilega sendið Sjálfstæðismönnum líka áskoruninna.

Gylfi Magnússon er ekki með neitt netfang og skora ég á hann að gefa okkur kost á að senda honum póst.

Ég prentaði út: "Listi yfir þingmenn" (sjá slóð hér fyrir ofan) og svo pikka ég inn öll netföngin. Þau eru líka í tölvuminninu þegar viðkomandi hefur áður sent þingmönnum bréf og svo auðvita er hægt að búa til möppu.  Auðvelt fyrir mig því netföngin eru flest í tölvuminninu en ekki í mínu minni.

Megi almáttugur Guð snúa við högum okkar.

Guð blessi ykkur.

Kær kveðja/Guðskerlingin-Rósa

P.s. Það er svo langt síðan að ég setti inn færslu en sem betur fer rifjaðist þetta upp fyrir mér hvernig á að  fara að þessu.

Bland í poka frá Vopna-Rósu og Guðskerlingunni-Rósu

Sæl og blessuð.

Hún Vopna-Rósa hafði rétt fyrir sér að Guðskerlingin-Rósa (ég) myndi ekki vera neitt spés á blogginu og lélegur arftaki. Ég hef haft mjög mikið að gera. Sjáið bara, byrjuð að afsaka mig í bak og fyrir Ég ætla að reyna að takast á við fjarnám, er í sjúkraþjálfun tvisvar í viku og þrisvar í viku í íþróttahúsinu í þrektíma. Í dag fór ég ásamt fjölskyldunni minni í jarðarför. Við vorum að kveðja mákonu föður míns hinstu kveðju. Hún var gift tvíburabróður pabba sem dó 1997. Þau áttu átta börn sem öll eiga fjölskyldu og er þarna stór frændgarður.  Vopna-Rósa bað mig um að setja inn pistill sem hún var búin að semja áður en hún fór með Sólmundi Tómasi sínum á vit ævintýranna.

Guð veri með ykkur

Kær kveðja/Guðskerlingin-Rósa

 

Pistill Vopna-Rósu

Hæ og hó.

Lífið er svo dásamlegt. Við Sólmundur Tómas vorum í Reykjavík í nokkra daga áður en við létum okkur hverfa af þessari Guðsvoluðu eyju. Ég fór í blogghitting á A Hansen í Hafnarfirði 19 jan. sl. Ég hitti fullt af góðum vinum og þar var frábært kveðjupartý. Guðkerlingin-Rósa var þarna líka og þið getið séð einhverjar myndir af henni með vinum mínum. Ég vildi ekki vera með á myndunum. Daginn eftir hittum við Séra Guðstein Hauk og hann pússaði okkur saman. Brúðkaupsveislan var svaka flott og villt. Hefðarfólkið mætti í sínu flottasta skarti, með flottar gjafir sem voru flestar í ekta seðlum. Davíð Oddsson góðvinur okkar vottaði að seðlarnir væru allir ekta og erum við búin að leggja þá inní banka og eru þeir nú geymdir í banka í góðri Skatta-Paradís.

Á þriðjudaginn 20. janúar fórum við Sólmundur Tómas niður á Austurvöll og þar hittum við Guðskerlinguna-Rósu sem var eitthvað að sperrast. Hún fékk enga athygli en það var viðtal við Sólmund Tómas í sjónvarpinu og kom viðtalið í fréttum kl. 22. Þessir ríkisstarfsmenn gátu nú ekki haft rétt eftirnafn. Þeir fá alltof mikið borgað miðað við að það er alltaf eitthvað klúður hjá þeim og eru þau endalaust að biðjast afsökunar á þessu og hinu. Ég lét Guðskerlinguna-Rósu fá skrifin mín á Austurvelli því við létum okkur hverfa morguninn eftir á vit ævintýranna. Ég  mun nú fylgjast með og sjá hörmungina á þessari síðu en mér er samt slétt sama fyrst ég er laus allra mála.

Það verður flott hjá okkur í Kyrrahafinu. Ég var búin að segja ykkur að við myndum passa peninga fyrir frábæra menn sem ætla að borga okkur vel fyrir greiðan.

Ég vona að þið hafið það gott hér á þessari Guðsvoluðu eyju.

Sólmundur Tómas biður að heilsa ykkur.

Takk fyrir samfylgdina.

Kær kveðja/Vopna-Rósa

 

Slidshow, klikkið á myndina hér fyrir neðan. Flottar myndir af glæsilegu fólki.

Linda Vonin mín, kærar þakkir fyrir hjálpina og allar myndirnar.

Blogghittingur 17 jan 2009

Vopna-Rósa hættir að blogga - Kveðjupartý - Brúðkaup Vopna-Rósu og Sólmundar Tómasar Sóleyjarsonar - Guðkerlingin- Rósa byrjar að blogga.

Hæ og hó.

Ég átti 1. árs bloggafmæli 3 jan. sl. Það hefur oft verið svaka stuð á blogginu og þar kynntist ég stóru ástinni í lífi mínu honum Sólmundi Tómasi Sóleyjarsyni. Ég varð ástfangin við fyrstu sýn og ég er alveg yfir mig ástfangin af Sólmundi Tómasi. Hann er algjört æði. Stelpur finnst ykkur hann ekki vera sætur?

Við höfum ákveðið að gifta okkur fljótlega og mun Séra Guðsteinn Haukur sjá um að pússa okkur saman. Við ætlum að hafa brúðkaupsveislu og er um þrjú hundruð manns boðið þar á meðal Útrásarvíkingum. Við vorum svo snjöll að bjóða ríka fólkinu og biðja um peningagjafir í brúðkaupsgjöf. Peningarnir eiga helst að vera í annarri mynt en þeirri íslensku sem er alvarlega veik og er á gjörgæslu.

Fljótlega eftir brúðkaupið ætlum við að fara í brúðkaupsferð til ónefndrar eyju í Kyrrahafi. Við höfum nú þegar keypt farseðlana aðra leiðina. Við hittum svo góða menn sem báðu okkur um lán á kennitölum okkar, sem var alveg sjálfsagt og í staðinn fengum við fúlgu af peningum. Við spurðum ekkert hvað þeir ætluðu að gera við þessar tölur. So what? Við eigum einnig að vera gæslumenn fyrir þá og fáum greitt fyrir. Þetta var frábær lausn því við nennum ekki  að vera á þessari voluðu eyju.

Okkur finnst ráðamenn þjóðarinnar vera gjaldþrota í úrræðum. Það verður ekkert úr launum almennings í landinu því það er búið að hækka og hækka skatta á almenning á meðan það má ekki setja á hátekjuskatt. Búið að  hækka tryggingar, hækka bensín og áfengi sem hefur áhrif á vísitöluna. Lánin hækka og hækka á meðan kaupmáttur rýrnar og rýrnar því ekki hækka nú launin í samræmi við allt annað.

Surprise! Við skiljum ekki með hverju fólkið á að borga reikningana sína en ráðamenn hljóta að vita það fyrst þau hækka og hækka allt? Hmm...  Þau halda sennilega að með því að elda einhvern graut þá verði til peningar til að borga brúsann fyrir Útrásavíkingana.

Þetta er auðvita algjörir grautarhausar.  Við bíðum  spennt að fara í brúðkaupsferðina, bara tilfinningin þegar flugvélin verður farin út fyrir landsteina á þessari volaðu eyju verður örugglega alveg meiriháttar.

Áður en við giftum okkur ætla ég að bjóða bloggvinum mínum í kveðjupartý. Ykkur verður sent skilaboð og sagt nánar frá kveðjupartýinu.

Ég mun sjá um síðuna í nokkra daga eða þangað til við Sólmundur Tómas giftum okkur. Ég samdi við Rósu Guðskerlingu á Vopnafirði að taka við blogginu mínu. Hún er svo frek og fór hún fram á að það yrði þá skipt um mynd af höfundi og fleira. Meiri frekjan hún Rósa Guðskerling. L

Ég verð nú bara að segja ykkur að ég vorkenni ykkur þegar hún tekur við. Hún er svo leiðinleg og frek en ég er bara svo fegin að losna svo mér er slétt sama. Bless öll og verði ykkur bara að góðu.  Úff