„Orðskviðir Salómons Davíðssonar, Ísraels konungs, 3. hluti.

^„Mjúklegt andsvar stöðvar bræði, en meiðandi orð vekur reiði. Af tungu hinna vitru drýpur þekking, en munnur heimskingjanna eys úr sér vitleysu.“ Orðskviðir Salómons Davíðssonar Ísraels konungs 15:1.-2.

^„Glatt hjarta gjörir andlitið hýrlegt, en sé hryggð í hjarta, er hugurinn dapur.“  Orðskviðir Salómons Davíðssonar Ísraels konungs 15:13.

^„Hinn volaði sér aldrei glaðan dag, en sá sem vel liggur á, er sífellt í veislu.“  Orðskviðir Salómons Davíðssonar Ísraels konungs 15:15.

„Bráðlyndur maður vekur deilur, en sá sem seinn er til reiði, stillir þrætu.“ Orðskviðir Salómons Davíðssonar Ísraels konungs  15:18.

^„Vegur letingjans er eins og þyrnigerði, en gata hreinskilinna er brautarvegur.“ Orðskviðir Salómons Davíðssonar Ísraels konungs 15:19.

^„Gleði hlýtur maðurinn af svari munns síns, og hversu fagurt er orð í tíma talað!“  Orðskviðir Salómons Davíðssonar Ísraels konungs 15:23.

^„Lífsins vegur liggur upp á við fyrir hinn hyggna, til þess að hann lendi ekki niður í Helju.“ Orðskviðir Salómons Davíðssonar Ísraels konungs  15:24.

^„Vingjarnlegt augnaráð gleður hjartað, góðar fréttir feita beinin.“ Orðskviðir Salómons Davíðssonar Ísraels konungs  15:30.

^„Ótti Drottins er ögun til visku, og auðmýkt er undanfari virðingar.“ Orðskviðir Salómons Davíðssonar Ísraels konungs 15:33.

^„Manninum þykja allir sínir vegir hreinir, en Drottinn prófar hugarþelið.“ Orðskviðir Salómons Davíðssonar Ísraels konungs 16:2.

^„Fel þú Drottni verk þín, þá mun áformum þínum framgengt verða.“ Orðskviðir Salómons Davíðssonar Ísraels konungs 16:3.

^„Með elsku og trúfesti er friðþægt fyrir misgjörð, og fyrir ótta Drottins forðast menn hið illa.“ Orðskviðir Salómons Davíðssonar Ísraels konungs  16:6

„Þegar Drottinn hefir þóknun á breytni einhvers manns, þá sættir hann og óvini hans við hann.“ Orðskviðir Salómons Davíðssonar Ísraels konungs  16:7

„Betra er lítið með réttu en miklar tekjur með röngu.“ Orðskviðir Salómons Davíðssonar Ísraels konungs 16:8.

„Hjarta mannsins upphugsar veg hans, en Drottinn stýrir gangi hans.“ Orðskviðir Salómons Davíðssonar Ísraels konungs 16. 9.

„Sá sem gefur gætur að orðinu, hreppir hamingju, og sæll er sá, sem treystir Drottni.“ Orðskviðir Salómons Davíðssonar Ísraels konungs  16:20.

„Sá sem er vitur í hjarta, verður hygginn kallaður, og sætleiki varanna eykur fræðslu.“ Orðskviðir Salómons Davíðssonar Ísraels konungs 16:21.

^„Lífslind er hyggnin þeim, sem hana á, en ögun afglapanna er þeirra eigin flónska.“ Orðskviðir Salómons Davíðssonar Ísraels konungs  16:22.

^„Vingjarnleg orð eru hunangsseimur, sæt fyrir sálina, lækning fyrir beinin.“ Orðskviðir Salómons Davíðssonar Ísraels konungs  16:24.

^„Gráar hærur eru heiðurskóróna, á vegi réttlætis öðlast menn hana.“ Orðskviðir Salómons Davíðssonar Ísraels konungs 16: 31.

^„Sá sem seinn er til reiði, er betri en kappi, og sá sem stjórnar geði sínu, er meiri en sá sem vinnur borgir.“ Orðskviðir Salómons Davíðssonar Ísraels konungs  16:32.

„Sá sem breiðir yfir bresti, eflir kærleika, en sá sem ýfir upp sök, veldur vinaskilnaði.“ Orðskviðir Salómons Davíðssonar Ísraels konungs 17:9.

„Vinur elskar ætíð og í nauðum er hann sem bróðir.“ Orðskviðir Salómons Davíðssonar Ísraels konungs  17:17.

„Glatt hjarta veitir góða heilsubót, en dapurt geð skrælir beinin.“ Orðskviðir Salómons Davíðssonar Ísraels konungs  17:22.

„Hygginn maður hefir viskuna fyrir framan sig, en augu heimskingjans eru úti á heimsenda.“ Orðskviðir Salómons Davíðssonar Ísraels konungs 17:24.

^„Fámálugur maður er hygginn, og geðrór maður er skynsamur.“ Orðskviðir Salómons Davíðssonar Ísraels konungs  17:27.

„Hjarta hins hyggna aflar sér þekkingar, og eyra hinna vitru leitar þekkingar.“ Orðskviðir Salómons Davíðssonar Ísraels konungs  18:15.

^„Dauði og líf eru á tungunnar valdi, og sá sem hefir taum á henni, mun eta ávöxt hennar.“ Orðskviðir Salómons Davíðssonar Ísraels konungs 18: 21.

„Sá sem eignast konu, eignast gersemi, og hlýtur náðargjöf af Drottni.“ Orðskviðir Salómons Davíðssonar Ísraels konungs 18:22.

^„Að vera allra vinur er til tjóns, en til er ástvinur, sem er tryggari en bróðir.“  Orðskviðir Salómons Davíðssonar Ísraels konungs 18:24.

^„Kapp er best með forsjá, og sá sem hraðar sér, misstígur sig.  Orðskviðir Salómons Davíðssonar Ísraels konungs 19: 2.

^„Auður fjölgar vinum, en fátækur maður verður vinum horfinn.“ Orðskviðir Salómons Davíðssonar Ísraels konungs 19:4.

„Sá lánar Drottni, er líknar fátækum, og hann mun launa honum góðverk hans.“ Orðskviðir Salómons Davíðssonar Ísraels konungs 19:17.

Guð blessi ykkur og varðveiti.

Kær kveðja/Rósa

Athugasemdir

[Vilhjálmur Örn Vilhjálmsson, 25.11.2009 kl. 00:54]

Allt er þetta enn sannleikur. Salómon var vís.

Þakkir

Vilhjálmur Örn

[Rósa Aðalsteinsdóttir, 25.11.2009 kl. 01:10]

Sæll og blessaður

Takk innilega fyrir að heimsækja mig. Já svo sannarlega var Salómon vís. Við værum betur sett hér á Íslandi ef hann væri að stjórna hér eða Jósef Jakobsson sem var ráðherra - næstæðstur í Egyptalandi á góðæristímanum sem tók sjö ár og svo komu hræðileg sjö ár. Jósef réð draum Faraós um sjö góð ár og sjö hallærisár. Hann ráðlagði Faraó og skoraði á Faraó að taka fimmtung af afrakstri Egyptalands og nægði þetta á hallærisárunum fyrir Egypta og marga í kringum Egyptaland.

^"Þar sem engin stjórn er, þar fellur þjóðin, en þar sem margir ráðgjafar eru, fer allt vel. Hrapallega fer fyrir þeim, er gengur í ábyrgð fyrir annan mann, en sá sem hatar handsöl, er óhultur." Orðskviðir 11: 14.-15.

"Drottinn blessi þig og varðveiti þig! Drottinn láti sína ásjónu lýsa yfir þig og sé þér náðugur! Drottinn upplyfti sínu augliti yfir þig og gefi þér frið!" 4. Mós. 24.-26.

Drottinn blessi þig í öllu sem þú tekur þér fyrir hendur.

Kær kveðja/Rósa

[Þórarinn Þ Gíslason (IP-tala skráð) 25.11.2009 kl. 02:50]

Sæl, Rósa !

Þetta eru svo sannarlega orð til að huga að.

 Margt sé ég þarna sem að ég má betur gera.

Takk kærlega fyrir þetta og alla þessa þrjá kaflana, og vonandi heldur þú áfram !

Kærleikskveðja til þín og þinna !

[Linda, 25.11.2009 kl. 07:20]

Takk dúlls.  Eigðu góðan dag með með Drottni vor og ekki síst þeim sem í kringum þig eru.

bk.

[Rósa Aðalsteinsdóttir, 25.11.2009 kl. 09:59]

Guð gefi ykkur góðan dag.

Þórarinn minn, sennilega tvær færslur í viðbót úr Orðskviðum.   Þú ert nú ekki einn um að þurfa að hugsa um að gera betur. Við þurfum öll þess.

Linda mín, takk fyrir blessunaróskir.  Ég trúi því að þessi dagur verði góður.

"Drottinn blessi þig og varðveiti þig! Drottinn láti sína ásjónu lýsa yfir þig og sé þér náðugur! Drottinn upplyfti sínu augliti yfir þig og gefi þér frið!" 4. Mós. 24.-26.

Guð veri með ykkur í öllu sem þið takið ykkur fyrir hendur í dag og um ókomna tíð.

Kær kveðja/Rósa

[Sigríður Ágústa Þórólfsdóttir, 26.11.2009 kl. 23:16]

Kærleiksknús á þig Rósa mín

[Þórólfur Ingvarsson, 26.11.2009 kl. 23:20]

Blessuð Rósa mín!

Ég kem sjaldan með nokkuð hér inná bloggið þitt, hef fremur verið njótandi og alltaf lesið allt þitt sem bæði er uppbyggilegt, gefandi og fræðandi.

Hafðu þökk fyrir og Guðs blessun, hans sem áfram mun gefa þér styrk og djörfung til að vitna og víðfræga Guðs heilaga orð.

Með kæri kveðju og Guðs blessun. Þórólfur

[Guðrún Sæmundsdóttir, 27.11.2009 kl. 16:10]

[Ragnar Birkir Bjarkarson, 1.12.2009 kl. 20:35]

takk fyrir vinabeiðnina, hef verið að lesa bloggið þitt undanfarið - var gaman að fá vinabeiðnina í kjölfarið - flott blogg - Guð blessi þig og heimili þitt

kveðja úr Njarðvík

[Rósa Aðalsteinsdóttir, 1.12.2009 kl. 23:11]

 Kæru vinir.

Takk fyrir innlitið, góðar kveðjur og blessunaróskir.

Ég eignaðist tvo nýja bloggvini í dag og er mjög ánægð. Get alltaf blómum við mig bætt.

 Í lokin smá Guðsorð fyrir ykkur öll: "Óttast þú eigi, því að ég er með þér. Lát eigi hugfallast, því að ég er þinn Guð. Ég styrki þig, ég hjálpa þér, ég styð þig með hægri hendi réttlætis míns." Jesaja 41:10.

Guð blessi ykkur og varðveiti.

Kær kveðja/Rósa