„Orðskviðir Salómons Davíðssonar, Ísraels konungs, 4. hluti.

^„Vínið er spottari, sterkur drykkur glaumsamur, og hver sá, er drukkinn reikar, er óvitur. Orðskviðir Salómons Davíðssonar Ísraels konungs 20:1.

^„Það er manni sómi að halda sér frá þrætu, en hver afglapinn ygglir sig.“ Orðskviðir Salómons Davíðssonar Ísraels konungs 20:3. 

„Letinginn plægir ekki á haustin, fyrir því leitar hann um uppskerutímann og grípur í tómt.“ Orðskviðir Salómons Davíðssonar Ísraels konungs 20:4

„Ráðin í hjarta mannsins eru sem djúp vötn, og hygginn maður eys þar af.“  Orðskviðir Salómons Davíðssonar Ísraels konungs 20:5.

^„Réttlátur maður gengur fram í ráðvendni sinni, sæl eru því börn hans eftir hann. Orðskviðir Salómons Davíðssonar Ísraels konungs 20:7

„Til er gull og gnægð af perlum, en hið dýrmætasta þing eru vitrar varir.“ Orðskviðir Salómons Davíðssonar Ísraels konungs 20:15. 

^„Kærleiki og trúfesti varðveita konunginn, og hann styður hásæti sitt með kærleika.“ Orðskviðir Salómons Davíðssonar Ísraels konungs  20:28.

„Fyrirætlanir iðjumannsins reynast fésamar vel, en öll flasfærni lendir í fjárskorti.“  Orðskviðir Salómons Davíðssonar Ísraels konungs 21:5. 

„Vitur maður vinnur borg kappanna og rífur niður vígið, sem hún treysti á.“ Orðskviðir Salómons Davíðssonar Ísraels konungs 21:22.

„Sá sem varðveitir munn sinn og tungu, hann varðveitir sálu sína frá nauðum.“  Orðskviðir Salómons Davíðssonar Ísraels konungs  21:23. 

„Hesturinn er hafður viðbúinn til orrustudagsins, en sigurinn er í hendi Drottins.“ Orðskviðir Salómons Davíðssonar Ísraels konungs 21:31.

^„Gott mannorð er dýrmætara en mikill auður, vinsæld er betri en silfur og gull.“  Orðskviðir Salómons Davíðssonar Ísraels konungs 22:1.

^„Ríkur og fátækur hittast, Drottinn skóp þá alla saman.“ Orðskviðir Salómons Davíðssonar Ísraels konungs 22:2. 

„Fræð þú sveininn um veginn, sem hann á að halda, og á gamals aldri mun hann ekki af honum víkja.“  Orðskviðir Salómons Davíðssonar Ísraels konungs 22:6.

„Horf þú ekki á vínið, hve rautt það er, hversu það glóir í bikarnum og rennur ljúflega niður. Að síðustu bítur það sem höggormur og spýtir eitri sem naðra. Orðskviðir Salómons Davíðssonar Ísraels konungs  23: 31-32. 

„Fyrir speki verður hús reist, og fyrir hyggni verður það staðfast, fyrir þekking fyllast forðabúrin alls konar dýrum og yndislegum fjármunum.“ Orðskviðir Salómons Davíðssonar Ísraels konungs  24: 3.-4.

^„Vitur maður er betri en sterkur og fróður maður betri en aflmikill, því að holl ráð skalt þú hafa, er þú heyr stríð, og þar sem margir ráðgjafar eru, fer allt vel.“ Orðskviðir Salómons Davíðssonar Ísraels konungs 24: 5.-6. 

„Ef óvin þinn hungrar, þá gef honum að eta, og ef hann þyrstir, þá gef honum að drekka, því að þú safnar glóðum elds yfir höfuð honum, og Drottinn mun endurgjalda þér það.“  Orðskviðir Salómons Davíðssonar Ísraels konungs 25: 21.-22.

^„Eins og kalt vatn er dauðþyrstum manni, svo er góð fregn af fjarlægu landi.“  Orðskviðir Salómons Davíðssonar Ísraels konungs 25:25. 

^„Eins og spörfugl flögrar, eins og svala flýgur, eins er um óverðskuldaða formæling - hún verður eigi að áhrínsorðum.“ Orðskviðir Salómons Davíðssonar Ísraels konungs 26: 2.

 

^„Járn brýnir járn, og maður brýnir mann.“ Orðskviðir Salómons Davíðssonar Ísraels konungs 27:17.

^„Eins og andlit horfir við andliti í vatni, svo er hjarta eins manns gagnvart öðrum.“  Orðskviðir Salómons Davíðssonar Ísraels konungs 27:19. 

„Sá sem dylur yfirsjónir sínar, verður ekki lángefinn, en sá sem játar þær og lætur af þeim, mun miskunn hljóta.“ Orðskviðir Salómons Davíðssonar Ísraels konungs 28: 13.

^“Þar sem engar vitranir eru, kemst fólkið á glapstigu, en sá sem varðveitir lögmálið, er sæll. Orðskviðir Salómons Davíðssonar Ísraels konungs 29:18. 

^„Um tvennt bið ég þig, synja mér þess eigi, áður en ég dey: Lát fals og lygaorð vera fjarri mér, gef mér hvorki fátækt né auðæfi, en veit mér minn deildan verð. Ég kynni annars að verða of saddur og afneita og segja: "Hver er Drottinn?" eða ef ég yrði fátækur, kynni ég að stela og misbjóða nafni Guðs míns.“ Orðskviðir Salómons Davíðssonar Ísraels konungs 30: 7.-9.

Guð blessi ykkur öll. 

Athugasemdir

[Þórarinn Þ Gíslason (IP-tala skráð) 3.12.2009 kl. 07:44]

Sæl Rósa.

Svo sannarlega mætti þessi orð birtast víðar og koma oft fyrir mannanna sjónir .

Þú brýtur ísinn með því að koma með þetta á bloggið og ekki veitir af. Þetta er gott innlegg hjá þér og frá þér til okkar hinna sem lesum allt of lítið, því þetta er sannkölliuð Gullkista.

Takk fyrir og Guð blessi þig !

Þórarinn Þ. Gíslason

[Rósa Aðalsteinsdóttir, 4.12.2009 kl. 23:49]

Christian Glitter by www.christianglitter.com

Sæll og blessaður

Takk fyrir innlitið.

"Drottinn blessi þig og varðveiti þig! Drottinn láti sína ásjónu lýsa yfir þig og sé þér náðugur! Drottinn upplyfti sínu augliti yfir þig og gefi þér frið!"

Kær kveðja/Rósa

[Halldóra Lára Ásgeirsdóttir, 5.12.2009 kl. 12:41]

Sæl Rósa mín!

Þú kemur hér með fjársjóð sem fölnar aldrei.

Hef alltaf verið hrifin af þessu í 22:1 um mannorðið

Því við eigum bara eitt mannorð.

Og þessa hálfesti gæti ég hugsað mér að eiga (þú kemur því kanski til skyla fyrir mig til jólasveinsins)

 Góða aðventu og Guð í himninum varðveiti þig!!!

                       Kveðja úr Garðabæ

                         Halldóra.

[Rósa Aðalsteinsdóttir, 6.12.2009 kl. 00:57]

Sæl og blessuð

Takk fyrir innlitið. Biblían er bók bókanna og hún stenst áranna rás.

Ég var að kaupa hálsfestar í dag en þær voru ekkert líkar þessari sem er hér fyrir ofan :-)

Hér er versið sem ég var að vitna í á outlock  "Hversu lengi ætlar þú að reika fram og aftur, þú hin fráhverfa dóttir? Því að Drottinn skapar nýtt á jörðu: Kvenmaðurinn verndar karlmanninn." Jeremía 31:22.

Christian Glitter by www.christianglitter.com

Guð blessi þig og varðveiti

Kær kveðja/Rósa

[Ragnar Birkir Bjarkarson, 6.12.2009 kl. 07:52]

"Hversu lengi ætlar þú að reika fram og aftur, þú hin fráhverfa dóttir? Því að Drottinn skapar nýtt á jörðu: Kvenmaðurinn verndar karlmanninn." Jeremía 31:22.

MAGNAÐ ORРKVENMAÐURINN VERNDAR  KARLMANNINN, sterkt orð - takk jesús - ávallt gaman að lesa bloggið þitt

[Helga Þórðardóttir, 7.12.2009 kl. 00:05]

Gott að lesa bloggið þitt svona rétt fyrir svefninn.

[Rósa Aðalsteinsdóttir, 7.12.2009 kl. 03:41]

Christian Glitter by www.christianglitter.com

Sæl og blessuð og takk fyrir innlitið.

Sammála Ragnar, magnað orð og kemur það fyrir aftur í næstu færslu sem ég er búin að birta. Bróðir minn heldur uppá þetta vers.

Vona að þú sért löngu sofnuð Helga mín, ég er að gaufa því ég vildi klára að setja inn næstu færslu og það tók tímann sinn. Vona að Siggi bróðir þinn hafi lagt inn gott orð fyrir mig eftir að ég sendi þér beiðni um bloggvináttu.

Guð veri með ykkur

Kær kveðja/Rósa