Eldfjallið Redoubt í Alaska lét á sér kræla eftir 20 ára dvala

 

 

 

 

 

 

 

 

 

 

 

 

 

 

 

 

 Kæru bloggvinir
 
Ekki hef ég komið til Alaska. Árið 1988 var ég í Kanada. Ég heimsótti vini í Prinse Rupert og við fórum m.a. með kláf upp á fjall og þar sáum við yfir til Alaska. Landamæri Alaska teygja sig langt niður eftir ströndinni. Virkar eins og smá ræma á landakorti.
Katrín Stefanía bróðurdóttir mín er í Alaska og er hún í 180 km. fjarlægð frá eldfjallinu.
Gaman væri að fá fréttir frá henni.

http://isprinsessan.bloggar.is/

  

Matteusarguðspjall 24

"Jesús gekk út úr helgidóminum og hélt brott. Þá komu lærisveinar hans og vildu sýna honum byggingar helgidómsins.

   Hann sagði við þá: "Þér sjáið allt þetta? Sannlega segi ég yður, hér mun ekki eftir látinn steinn yfir steini, er eigi sé niður brotinn."

   Þá er hann sat á Olíufjallinu, gengu lærisveinarnir til hans og spurðu hann einslega: "Seg þú oss, hvenær verður þetta? Og hvert mun tákn komu þinnar og endaloka veraldar?"

   Jesús svaraði þeim: "Varist að láta nokkurn leiða yður í villu.

   Margir munu koma í mínu nafni og segja: ,Ég er Kristur!` og marga munu þeir leiða í villu.

   Þér munuð spyrja hernað og ófriðartíðindi. Gætið þess, að skelfast ekki. Þetta á að verða, en endirinn er ekki þar með kominn.

   Þjóð mun rísa gegn þjóð og ríki gegn ríki, þá verður hungur og landskjálftar á ýmsum stöðum.

   Allt þetta er upphaf fæðingarhríðanna.

   Þá munu menn framselja yður til pyndinga og taka af lífi, og allar þjóðir munu hata yður vegna nafns míns.

    Margir munu þá falla frá og framselja hver annan og hata.

    Fram munu koma margir falsspámenn og leiða marga í villu.

    Og vegna þess að lögleysi magnast, mun kærleikur flestra kólna.

    En sá sem staðfastur er allt til enda, mun hólpinn verða.

    Og þetta fagnaðarerindi um ríkið verður prédikað um alla heimsbyggðina öllum þjóðum til vitnisburðar. Og þá mun endirinn koma.

    Þegar þér sjáið viðurstyggð eyðingarinnar, sem Daníel spámaður talar um, standa á helgum stað," _ lesandinn athugi það _

    "þá flýi þeir, sem í Júdeu eru, til fjalla.

    Sá sem er uppi á þaki, fari ekki ofan að sækja neitt í hús sitt.

    Og sá sem er á akri, skal ekki hverfa aftur að taka yfirhöfn sína.

    Vei þeim sem þungaðar eru eða börn hafa á brjósti á þeim dögum.

    Biðjið, að flótti yðar verði ekki um vetur eða á hvíldardegi.

    Þá verður sú mikla þrenging, sem engin hefur þvílík verið frá upphafi heims allt til þessa og mun aldrei verða.

    Ef dagar þessir hefðu ekki verið styttir, kæmist enginn maður af. En vegna hinna útvöldu munu þeir dagar styttir verða.

    Ef einhver segir þá við yður: ,Hér er Kristur` eða ,þar`, þá trúið því ekki.

    Því að fram munu koma falskristar og falsspámenn, og þeir munu gjöra stór tákn og undur til að leiða afvega jafnvel hina útvöldu, ef orðið gæti.

    Sjá, ég hef sagt yður það fyrir.

    Ef þeir segja við yður: ,Sjá, hann er í óbyggðum,` þá farið ekki þangað. Ef þeir segja: ,Sjá, hann er í leynum,` þá trúið því ekki.

    Eins og elding sem leiftrar frá austri til vesturs, svo mun verða koma Mannssonarins.

    Þar munu ernirnir safnast, sem hræið er.

    En þegar eftir þrenging þessara daga mun sólin sortna og tunglið hætta að skína. Stjörnurnar munu hrapa af himni og kraftar himnanna bifast.

    Þá mun tákn Mannssonarins birtast á himni, og allar kynkvíslir jarðarinnar hefja kveinstafi. Og menn munu sjá Mannssoninn koma á skýjum himins með mætti og mikilli dýrð.

    Hann mun senda út engla sína með hvellum lúðri, og þeir munu safna hans útvöldu úr áttunum fjórum, himinskauta milli.

    Nemið líkingu af fíkjutrénu. Þegar greinar þess fara að mýkjast og laufið að springa út, þá vitið þér, að sumar er í nánd.

    Eins skuluð þér vita, þegar þér sjáið allt þetta, að hann er í nánd, fyrir dyrum.

    Sannlega segi ég yður: Þessi kynslóð mun ekki líða undir lok, uns allt þetta er komið fram.

    Himinn og jörð munu líða undir lok, en orð mín munu aldrei undir lok líða.

    En þann dag og stund veit enginn, hvorki englar á himnum né sonurinn, enginn nema faðirinn einn.

    Eins og var á dögum Nóa, svo mun verða við komu Mannssonarins.

    Dagana fyrir flóðið átu menn og drukku, kvæntust og giftust allt til þess dags, er Nói gekk í örkina.

    Og þeir vissu ekki, fyrr en flóðið kom og hreif þá alla burt. Eins verður við komu Mannssonarins.

    Þá verða tveir á akri, annar mun tekinn, hinn eftir skilinn.

    Tvær munu mala á kvörn, önnur verður tekin, hin eftir skilin.

    Vakið því, þér vitið eigi, hvaða dag Drottinn yðar kemur.

    ⁴³Það skiljið þér, að húsráðandi vekti og léti ekki brjótast inn í hús sitt, ef hann vissi á hvaða stundu nætur þjófurinn kæmi.

    Verið þér og viðbúnir, því að Mannssonurinn kemur á þeirri stundu, sem þér ætlið eigi.

    Hver er sá trúi og hyggni þjónn, sem húsbóndinn hefur sett yfir hjú sín að gefa þeim mat á réttum tíma?

    Sæll er sá þjónn, er húsbóndinn finnur breyta svo, er hann kemur.

    Sannlega segi ég yður: Hann mun setja hann yfir allar eigur sínar.

    En ef illur þjónn segir í hjarta sínu: ,Húsbónda mínum dvelst,`

    og hann tekur að berja samþjóna sína og eta og drekka með svöllurum,

    þá mun húsbóndi þess þjóns koma á þeim degi, sem hann væntir ekki, á þeirri stundu, sem hann veit ekki,

    höggva hann og láta hann fá hlut með hræsnurum. Þar verður grátur og gnístran tanna."

 

Nítjánda mars sl. þá heyrðum við fréttir um "Risaskjálfta í suður Kyrrahafi"

Jesús vissi fyrir 2000 þúsund árum að við myndum frétta af jarðskjálftum og eldgosum alls staðar að úr heiminum með þeirri tækni sem nú er.

Við eigum ekkert að óttast en við þurfum að vera viðbúin komu Jesú Krists.

    ^"Vakið því allar stundir og biðjið, svo að þér megið umflýja allt þetta, sem koma á, og standast frammi fyrir Mannssyninum." Lúkas 21:36.

 Guð blessi ykkur öll

Kær kveðja/Rósa

Eldgosið í Alaska sækir á

Athugasemdir

[Þórarinn Þ Gíslason (IP-tala skráð) 28.3.2009 kl. 15:14]

Sæl Rósa.

Já, ég get tekið undir orð Helgu .

Þetta er holl lesning og ekki vanþörf á að minna á allt það sem að þú setur hér niður.

Kærleikskveðja.

[Nína Margrét (IP-tala skráð) 28.3.2009 kl. 17:30]

Sæl elsku Rósa.

Þetta eru mjög flottar og fallegar myndir af eldfjallinu. Ég tek undir orð Helgu okkar og Þórarins að þetta er holl og góð lesning.

Eigðu frábæra helgi og vertu í stuði með Guði.  

Kærleikskveðja til þín alla daga.
Nína Margrét.  

[Ragnar Kristján Gestsson, 28.3.2009 kl. 19:42]

„Tákn munu verða á sólu, tungli og stjörnum og á jörðu angist þjóða, ráðalausra við dunur hafs og brimgný.  Menn munu gefa upp öndina af ótta og kvíða fyrir því, er koma mun yfir heimsbyggðina, því að kraftar himnanna munu bifast.  Þá munu menn sjá Mannssoninn koma í skýi með mætti og mikilli dýrð“ (Lúk 21 25-28).

Tek undir með þér Rósa: Við eigum ekkert að óttast en við þurfum að vera viðbúin komu Jesú Krists.

[Sigríður Ásdís Karlsdóttir, 28.3.2009 kl. 20:22]

Góða helgi Rósa mín. Guð veri með þér og þínum..kv Sirrý

[Sigmar Þór Sveinbjörnsson, 29.3.2009 kl. 00:05]

Heil og sæl Rósa  þetta eru flottar myndir, kvitta hér með.

kær kveðja

[Linda, 29.3.2009 kl. 00:33]

Engin veit daginn, hinsvegar eru til spádómar um árið 2012, og allt bendir til þess að við séum á hraðri leið inn í endatímana.  Heims kreppann, kyrrahafs ókyrrðin, flóðin og allt annað, bendir til að 2012 sé árið sem fæðingahriðarnar munu enda, og fæðingin hefst fyrir alvöru. 

 bæjó.

[Jens Sigurjónsson, 29.3.2009 kl. 15:14]

Hæ hæ Rósa.

Flottar myndir og frábær texti hjá þér eins og ævinlega.

Guð blessi þig.

KV/Jenni

[Sigríður Ágústa Þórólfsdóttir, 29.3.2009 kl. 23:47]

Takk fyrir frábæra lesningu og fallegar myndir Rósa mínvertu ávalt Guði falin vinkona og takk fyrir að vera þú

[Kristín Gunnarsdóttir, 30.3.2009 kl. 07:55]

Takk fyrir þessa frábæru lesningu Rósa min, þú ert yndisleg. Guð geimi þig

[Ásthildur Cesil Þórðardóttir, 30.3.2009 kl. 10:19]

Flottar eldfjallamyndirnar Rósa mín.  Knús á þig inn í daginn og megi allir góðir vættir vernda þig og þína.

[Sigríður Ásdís Karlsdóttir, 31.3.2009 kl. 22:14]

Góða viku framundan elsku Rósa mín. Guð veri með þér kæra.  kv.Sirrý

[Kristín Katla Árnadóttir, 31.3.2009 kl. 22:25]

Takk fyrir þetta elsku Rósa mín, þú ert yndisleg manneskja og takk fyrir allt , Guð verði með þér  ætíð. Alltaf til að hjálpa mér þúsund kossar til þín.

Þú er svo sannarlega góð og kærar kveðjur til þín.

[Ragnheiður , 1.4.2009 kl. 16:57]

Sagan hér að neðan er mitt uppáhald en erindi mitt við þig var annað :

Um daginn (man því miður ekki hvar) sá ég að þú dróst orð fyrir einhverja. Mig langaði að biðja þig að draga fyrir mig líka, þú ræður hvort þú setur það hér eða sendir mér það á [e-mail]

Svo langar mig að biðja þig að biðja fyrir ungri þriggja barna móður sem er svo hræðilega veik

Með fyrirfram þakklæti og kveðju til þín

[Kristín Gunnarsdóttir, 1.4.2009 kl. 19:24]

Detta mer ekki allar dauðar lys. Amen Rósa min, þú veist hvað ég meina

[Sigríður Ásdís Karlsdóttir, 1.4.2009 kl. 21:07]

Sæl kæra vinkona og kærar þakkir fyrir gott samtal í dag. Var svo sannanlega komin tími til að við hefðum samband í virkilega heiminum en ekki í bloggheimi. Þakka þér fyrir góð orð í minn garð og allar yndislegu rósirnar þínar.  Hef hysjað mig út af mbl.is og finna mér annan stað með blogg. Ef þú vilt kæra að ég sendi þér adressuna veistu hvar þú nærð í mig. Vill ekki missa sambandið við þig en skil vel aðstöðu þína þar sem ég veit að þú ert störfum hlaðin..'Oska þér alls hins besta og að góður guð haldi verndarhendi yfir þér og þínum.  kv Sirrý

[sur, 2.4.2009 kl. 00:29]

Þarf nú orðið leyfi til að fara á Kaffi Karólínu , er lokað hús þegar það er blogghittingur hjá þessum merkis konum, þá þarf að auglýsa það, þannig að fólk er ekki að álpast þarna inn. Ég ætla að tala við þá á Karólínu og biðja þau um að láta vita þegar næsti blogghittingur er, þannig að maður álpist ekki þangað og fái svo skítkast yfir sig á blogginu. 

 Þetta finnst mér bara háborin frekja hjá Egvaníu að koma með svona skítkast inná bloggið þitt Rósa mín.

Góða nótt Rósa mín

[Ragnheiður , 2.4.2009 kl. 00:33]

Takk

[Rósa Aðalsteinsdóttir, 2.4.2009 kl. 01:58]

Kæru bloggvinir og þið hinar sem hafið heimsótt mig.

Hér er gasalegt fjör. Ég fer ekkert af hjörunum þó það blási aðeins. Fæ mér bara smá smurningu og hjarirnar verða viðráðanlegar á ný.

Ég hef verið að reyna að ná sambandi við Katrínu Stefaníu bróðurdóttur mína í Alaska til að fá fréttir en það var öskufall í Wasilla fyrir nokkrum dögum. Sem betur fer er þetta bara sýnishorn af alvöru gosi.

Sorry kæru bloggvinir, þið eruð mér mikilsvirði en ég ætla bara að nafngreina eina manneskju og það er Ragnheiður. Takk fyrir hjartað sem þú sendir mér.

Mál til komið að finna svefnherbergið

Megi almáttugur Guð vera með ykkur öllum

Kær kveðja/Rósa

[Rósa Aðalsteinsdóttir, 2.4.2009 kl. 01:59]

Christian Glitter by www.christianglitter.com

[Kristín Gunnarsdóttir, 2.4.2009 kl. 07:35]

Rósa min, ætlar þessu aldrey að linna, það er byrjað að ráðast á þig nuna og hver verður svo næstur, í hvaða röð ætli þær taki þetta i sorgarbankanum á blogginu, gaman væri að vita það. Guð geimi þig Rósa min

[Rósa Aðalsteinsdóttir, 2.4.2009 kl. 11:53]

Sæl Kristín mín.

Hafðu engar áhyggjur af mér. Hjörurnar hjá mér eru nýsmurðar og allt í orden.

Guð veri með þér og þínum

Kær kveðja/Rósa

[Linda Linnet Hilmarsdóttir, 2.4.2009 kl. 18:23]

Innlitskvitt og ljúfar notalegar kveðjur

[Sigríður Ágústa Þórólfsdóttir, 2.4.2009 kl. 23:43]

Ekki lýst mér á ástandið Rósa mín,þegar leikurinn á nú að færast yfir á þig af öllumen ég veit að þú hefur góða vernd vinkona ,það kannski sýnir bara best hversu lágt þetta bloggsamfélag getur lagst að ráðast á þig.Vertu ávalt Guði falin ljúfan mín

[Rósa Aðalsteinsdóttir, 2.4.2009 kl. 23:50]

Sælar stelpur mínar og takk fyrir innlitið.

Ekki hafa neinar áhyggjur af mér. Allt er gott sem endar vel.

Guð veri með ykkur

Kær kveðja/Rósa

[halkatla, 3.4.2009 kl. 20:40]

Mér finnst þú svo svöl Rósa, ég sá sko eitthvað blogg á heitum umræðum sem leit út einsog það væri til höfðus þér eða eitthvað, ég skildi samt ekki umræðurnar þar... eftir lesturinn var mér svo bara spurn hvort maður mætti ekki senda e-mail hvert sem maður vill? Eru ekki ÖLL email manns "einka" e-mail, ef maður skráir sig fyrir þeim? Úff, mér leið vægast sagt undarlega þegar ég las mig þarna í gegn. Þú ert bara æðisleg kona og þú veitir fólki mikla uppörvun með skrifum þínum og athugasemdum hér - ég myndi persónulega ekki vilja að þú værir að umgangast svona fólk einsog þau þarna á bloggsíðunni "góðu" hehehe ... en það er þitt val hvernig sem er, Guð er með þér og það vitum við sem þekkjum þig - sama hversu lítið það nú er

[Rósa Aðalsteinsdóttir, 3.4.2009 kl. 20:46]

Sæl mín kæra.

TAKK FYRIR INNLITIÐ

Ég er fræg á blogginu en samt alveg pollróleg yfir frægðinni. Ég er búin að útskýra allt sem þarf og þarf ekkert í heimsókn þangað aftur. Ég samt bíð eftir svari hvort ég og Árni Matt. starfsmaður á mbl.is, séum velkomin í lok apríl á blogghitting á Kaffi Karólína. 

Þær hafa tölvupóstinn minn og einnig geta þær komið hingað inn og skrifað athugasemd og boðið okkur Árna á blogghitting. 

Guð veri með þér

Kær kveðja/Rósa

[Sigríður Ásdís Karlsdóttir, 3.4.2009 kl. 22:05]

Góða helgi kæra Rósa mín.Guð veri með þér ljúfasta.

[Rósa Aðalsteinsdóttir, 5.4.2009 kl. 12:48]

Christian Glitter by www.christianglitter.com

Sæl Sirrý mín

Guð veri með þér og þínum

Kær kveðja/Rósa